شركة منتديات جروح الوداع ترحب بكم


 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 افتراضي تعالوا احكيلكم قصة جاك الأهبل

اذهب الى الأسفل 
كاتب الموضوعرسالة
جروح الوداع
المدير العام
المدير العام
avatar

ذكر عدد الرسائل : 700
العمر : 105
العمل : * : مدير المنتدى
قسمك المفضل : كل الاقسام
من اي بلد : الدمام
الجنس :
البلد :
تاريخ التسجيل : 25/03/2008

مُساهمةموضوع: افتراضي تعالوا احكيلكم قصة جاك الأهبل   الثلاثاء مايو 06, 2008 4:06 am

مين ما بيعرف قصة جاك الأهبل يلي باع البقرة بتلات حبات فول


**


احكيلكم القصة


**


جاك وامه ناس فقراء جدا ما معهم يحلقوا



**

أم جاك قالت لجاك : خد هالبقرة السمرا يما وبيعها خلينا نشتري اشي نتسممه

اخد جاك البقرة وذهب الى السوق

وفي الطريق قابل رجل وامرأة ( المرأة انا أضفتها على القصة )

جاك : يا عمو اشتري

الرجل : حل عني يا ولد

جاك : مشان الله يا عمو اشتري اجبر علي بدي اشتري ساندويش فلافل

مد الرجل يده يحاول اغلاق نافذة السيارة لاكنه تذكر للحظه الاخيرة انوا يسير على اقدامه وانوا السيارة مو معو باعها لصاحبو

الرجل : يقلك وله روح من هون احسن لا اموتك هسه

جاك : الله يخليلك يلي بجنبك تشتري

الرجل مسك بقبة القميص يلي لجاك

وقال : مجنون انت ..... وك مجنون ...... هاي مرتي بتدعي علي قاعد انت

واراد الرجل ان يوسعه ضربا ورفشا (( يترفشه يعني ))

**

تدخلت المرأة : مالك يا عقلة ... سيب الصبي

واخرجت تلات حبات فول من الكيس الذي كان بحوزتها وكانت تقرقط فيه

واعتطهم لجاك واخدوا البقرة السمرا

عاد جاك الى المنزل مفعم بالسعادة

سألته امه : بعت البقرة يما

جاك : اه يما وهاي تلات حبات فول حقها

امه : يعدمني اياك شو اهبل

وكمان اوسعته ضربا ورفشا

(( ملطشة هالجاك ))

**

ورمت حبات الفول من الشباك

ونام جاك وهو يلعن سنسفيل البيع على الاشارات

**

امطرت السماء في الليل

وفتحت ام جاك الشباك لترى شجرة فول ضخمة وقد نمت ووصلت للغيوم

ام جاك : ما عرفتش تجيب بدل الفول اكم حبة لحمة بدنا نضل منفوخين طول عمرنا

وشاتته شلوت اوصلته الى قمة الشجرة


وهناك وجد جاك وفي اعلى الشجرة قصرا كبيرا لمارد ضخم مخيف

دخل القصر واختبأ وجاء المارد:

مم مم همم همم ...... شامم ريحت ولد زغييييير

جاك لنفسه : عاد انا متحمم من شهرين

اكل المارد 3 خرفان و 12 جاجة ونام

رأى جاك ان المارد يملك اوزة تبيض ذهبا فلطشها وهرب

لحق المارد به وحاول ان يمسكه



لكن جاك سبقه وقطع ساق الشجرة


ووقع المارد وطج على الارض وطبعا مات

(( يعني جاك حرامي وقاتل واهبل ))

واخد جاك الاوزة واعطاها لإمه التي فرحت بإبنها الحرامي فرحا شديدا

وباعو البيض بسوق الصاغة بالصويفية

وعاشو سعدين

واشتروا قصر في عمان الغربية و3 سيارات

وجابوا الرجل يلي ضربه بأول القصة شغلوه شوفير ومرته اشتغلت طباخه

(( وتوته توته خلصت الحدوته ))





وهيك يا اطفال بنتعلم انه السرقه من المارد مش حرام وانه الفول مفيد للعظام وانه يلي بيسرق ما بيروح عالنار بيروح ع دير غبار



بس عنجد اكتشفت هسه انوا لغتي العربية ما في منها انشالله تفهموا القصة بهاي اللغة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
noor
المبدعون
المبدعون
avatar

ذكر عدد الرسائل : 220
العمر : 100
العمل : * : في الموقع
قسمك المفضل : العب واتسلى
من اي بلد : الدمام
الجنس :
تاريخ التسجيل : 13/04/2008

مُساهمةموضوع: رد: افتراضي تعالوا احكيلكم قصة جاك الأهبل   الإثنين مايو 26, 2008 6:48 am

مشكوور مديرنا الفاضل على القصة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
sama
مشرف عام
مشرف عام
avatar

ذكر عدد الرسائل : 104
العمر : 105
العمل : * : احب اشارك بالمنتدى
قسمك المفضل : احب اشارك بالمنتدى
تاريخ التسجيل : 22/05/2008

مُساهمةموضوع: رد: افتراضي تعالوا احكيلكم قصة جاك الأهبل   الإثنين مايو 26, 2008 12:41 pm

مشكور الله يعطيك العافيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
افتراضي تعالوا احكيلكم قصة جاك الأهبل
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شركة منتديات جروح الوداع ترحب بكم :: الفئة الأولى :: المنتدى الترفيهى :: قسم النكت-
انتقل الى: